[新聞] 黎耀祥恨老外做新抱

「太監五虎」黎耀祥、蕭正楠（Edwin）及曹永廉（阿廉），因合作多劇而成為好友，今日更相約一同食開年飯兼收看《公公出宮》首播。談到新年願望，阿廉笑言希望好兄弟Edwin與女友黃翠如早日成家立室，Edwin則叫阿廉與祥仔生多一個，祥仔即笑言力不從心：「阿仔過年後都要去美國讀書，雖然好唔捨得佢，但仔大仔世界，希望佢第日帶個鬼妹女友返嚟啦！」

此外，阿廉又希望網上美容生意蒸蒸日上，問到有否想過一齊去旅行？祥仔指大家時間難就，Edwin則笑說：「我哋出埠做嘢當去旅行啦！」但他都希望「五虎」一齊去非洲看動物大遷徙，又提議由翠如做導遊。

蕭正楠髮型：Nick@HH hair.nail（Harbour City）

黎耀祥髮型：Ivan Lee@Headquarters

(太陽報)有片睇
http://the-sun.on.cc/cnt/entertainment/20160209/00470_008.html
======================================================================
祥仔力不從心追猴B咪搞！

黎耀祥、蕭正楠與曹永廉約齊腳初二食開年飯兼看《公公出宮》首播，三人講新年願望即妙語連珠，期間祥仔被催猴年再生一個，但他笑指力不從心，只希望到美國讀書的仔仔娶「洋妞」做新抱繼後香燈！

「太監五虎」黎耀祥、蕭正楠（Edwin）與曹永廉（阿廉）等向來老友鬼鬼，過時過節會帶同另一半齊齊飯局，今年適逢合作的新劇《公公出宮》於今日大年初二啟播，約定另外兩位好兄弟黃浩然與陳國邦齊齊食開年飯兼睇首播，祥仔笑說：「舊年佢哋嚟我屋企拜年，浩然太太仲整咗煲花膠、鮑魚嚟，希望今年啲鮑魚再大隻啲！」

望兒子溝洋妞

問到新年願望，阿廉希望Edwin早日成家立室，Edwin則反叫阿廉與祥仔再生一個，但祥仔自爆力不從心！阿廉希望護膚品生意於今年上軌道，而Edwin直言滿足現狀，笑言等女友黃翠如向他求婚才考慮結婚。期間，祥仔透露兒子過年後到美國讀書，向來帶妻兒經常出席活動的他直言捨不得兒子離開，但明白「仔大仔世界」，又笑言希望他將來帶「洋妞」女友返港見家長！

五虎遊難圓夢

「五虎」自拍攝《大太監》後感情愈來愈好，不時五個家庭搞聚會，問到有否想過一齊旅行？Edwin搞笑說：「我哋出埠做嘢當去咗旅行喇！我哋一齊去過開平、橫店。」祥仔則認為時間難就之餘，還不能以去東南亞地區：「我怕去到唔係去旅行，係好多遊客捉住我哋輪流影相！」Edwin即搞笑指「五虎」可以去非洲睇動物大遷徙，又提議由翠如做導遊。

文：影視組

蕭正楠髮型：Nick @ HH hair.nail（Harbour City）

黎耀祥髮型：Ivan Lee @ Headquarters

(東方日報)

http://orientaldaily.on.cc/cnt/entertainment/20160209/00282_017.html