KKground... ......................... . 搜尋文章請按首頁左上角...................................................................................................@留言請按我@

2015年12月24日 星期四

[新聞] 孖女無時停 黎姿high tea嘆唔成

黎姿嫁咗俾馬廷強之後生咗三個女,第一胎仲要打孖上,湊女都夠佢忙呀!

日前黎姿帶埋對孖女去尖沙咀半島酒店high tea,三母女都係一式一樣,著住米白色連身裙,同枱仲有另外兩個闊太同兩個小朋友,一行七人喺餐廳長枱坐低,小朋友就排排坐密密食,太太們就雞啄唔斷。

小朋友就好易滿足架啫,一人俾一杯嘢佢哋飲,就會乖乖地坐定定,你睇細孖飲到伸晒脷,大孖直程啜埋手指就知啦。起初黎姿同另外兩個闊太,都可以安安靜靜咁傾餐飽嘅,不過班小朋友一填飽個肚,就即刻活躍起嚟,細孖仲開始扭媽咪計添。班闊太傾唔落去,唯有埋單走人,點知細孖馬騮上身,跳跳紮紮,唔拖實佢都帶唔到佢上車。做人阿媽,真係辛苦晒!

(壹週)有片睇
http://nextplus.nextmedia.com/news/ent/20151224/321835
========================================================================
上海仔出事前一日 黎姿同場湊女

「上海仔」日前喺半島酒店high個tea都俾人𠝹面,但係事發前一日,黎姿同對孖女都喺同一餐廳現身喎,不過佢哋就食得好嘆,同「上海仔」被襲場面,兩個世界。唔通,搵到個好歸宿就真係得別好命?

好唔好命呀?真係見人見智喇!事關黎姿細佬黎嬰自己搞生意,開咗間醫學美容院,做家姐嘅唔止要幫手打理,舊年美容院擴張試業期間,黎姿更加要親自睇實盤數,幾乎晚晚做通頂呀陰公。等到生意上晒軌道,佢都唔可以輕鬆去濕平同high tea架,事關佢對孖女已經五歲喇,下年夠秤讀小學,依家梗係搏命搵間好學校啦。早排就有網民話見到黎姿拖住孖女去女拔面試,臨入課室前仲不斷叫兩個女「俾心機」添。真係世上只有媽媽好呀!

(壹週)有片睇
http://nextplus.nextmedia.com/news/ent/20151224/321957

2015年12月19日 星期六

[新聞] 祥仔傅嘉莉賀歲劇叮走

最新一期《好報》爆無綫戲劇製作部變天!無綫行政總裁李寶安銳意整頓戲劇組,令最近在戲劇製作部頻頻插旗的綜藝科製作資源總監余詠珊勢力坐大,反觀一直掌管戲劇組的曾勵珍則遭架空,連其愛將、明年3月退休的監製李添勝亦被拖累,由他監製、三屆視帝黎耀祥主演的賀歲劇《財神駕到》亦被臨時抽起!文:專案組

無綫兩大高層余詠珊和曾勵珍權力鬥爭漸見明朗化,最新一期《好報》爆無綫CEO李寶安親自整頓戲劇製作部,曾勵珍崗位雖不變,但余詠珊和無綫助理總經理受命參與整頓改革,矛頭直指一直掌管戲劇製作組的戲劇製作總監曾勵珍,令佘詩曼、陳展鵬等「珍軍」頓時失勢,小生花旦「In & Out」勢必大執位,而馬國明及楊怡等「余黨」逐步抬頭!
減少重疊出鏡

而在無綫工作四十多年、明年3月便榮休的金牌監製李添勝亦疑為「珍軍」拖累,由其監製、黎耀祥主演的賀歲劇《財神駕到》日前才拍攝宣傳海報,正當大家以為劇集即將趕在新年檔期熱播時,豈料劇集臨時被抽起!問到知否公司有此決定,李添勝接受本報電話訪問時說:「幾日前知,其實好簡單,黎耀祥有套處境劇下年4月要播,咁公司想4月之前清晒佢啲劇先,佢有套《公公出宮》同《財神駕到》,我套劇就15集,《公》劇就35集,公司都好識計數,咁梗係播咗《公》劇先啦!我都知喇!呢啲嘢都係難搞!」問到會否怕賀歲劇趕不及今年新年檔期,要押後至明年?他說:「其實套劇都係講啲喜慶嘢,都係講吓派利是嗰啲,平日出都得嘅!」對於有傳因「珍軍」失勢才導致該劇被抽起,他說:「係呀係呀!公司成日都有呢啲調動嘅!」提到早前與祥仔合作《巾幗梟雄3》都出事,他說:「唔關佢事嘅,搵佢嗰時佢都未決定要拍處境劇。(同班演員講未?)會通知佢哋,其實套劇都會照喺外地發行!」
尊重公司決定

此外,在《財》劇首次擔正女主角的傅嘉莉,被問到有否為劇集被抽起而失望,她透過電話訪問說:「冇失望,尊重公司決定,都係暫時啫,套劇都會喺外地播。而且可以同三屆視帝黎耀祥合作,係一個好好嘅訓練,學到好多嘢!」而黎耀祥則至截稿前未有回覆。

(太陽報)
======================================================================
李添勝疑屬珍軍 新劇被抽起

有指無綫CEO李寶安親自整頓戲劇組,令高層曾勵珍失勢,而在無綫工作40多年,明年3月便榮休的金牌監製李添勝亦因疑為「珍軍」而被拖累,由其監製,由黎耀祥主演的賀歲劇《財神駕到》日前才拍宣傳海報,誰知劇集臨時被抽起,添叔接受電話訪問時被問知否公司有此決定,他謂:「幾日前知,其實好簡單,黎耀祥有套處境劇下年4月要播,公司想4月之前清晒佢啲劇先,佢有套《公公出宮》同《財神駕到》,我套劇15集,《公》劇35集,公司好識計數,梗係播《公》劇先啦。」對於有傳因「珍黨」失勢才令《財》劇被抽起,他說:「冇,公司成日都有呢啲調動。」談到之前跟祥仔拍《巾幗梟雄3》都出事,他說:「唔關佢事,搵佢嗰時佢都未決定要拍處境劇。(同咗班演員講未?)會通知佢哋,其實套劇都會照喺外地發行。」

傅嘉莉在《財》劇首次演女主角,她昨接受電話訪問時,被問有否為劇集被抽起感失望時,她謂:「冇失望,尊重公司決定,都係暫時啫,而且可以同三屆視帝黎耀祥合作係個好好嘅訓練,已經學到好多嘢。」

(東方日報)
======================================================================
陳國邦唔介意回頭草:好食就食!

無綫戲劇組因高層權力鬥爭而「變天」!隨着無綫行政總裁李寶安下令全面整頓戲劇組後,有藝人被打入冷宮,亦有人受力捧及回巢,如早前宣布不續約的陳國邦,獲高層杜之克親自出擊打動後決意回歸,而曾鬧爆無綫拍劇冇劇本的鄧萃雯,亦將回巢擔正新劇,被指吃「回頭草」的國邦謂:「我唔理係咪回頭草,好食嘅草我咪食。」

盛傳無綫兩大高層余詠珊與曾勵珍大鬥法,引致戲劇組近日重新執位,有指綜藝科製作資源總監余詠珊空降戲劇製作部,令原本的戲劇製作總監曾勵珍遭削權為顧問,不過無綫隨即發聲明否認,據昨日《好報》指,無綫集團行政總裁李寶安下令重新整頓戲劇組,銳意令無綫重振電視王國聲威。李寶安昨接受訪問時,表示要以「優化」形容整頓戲劇組更適合:「依家市場競爭大,唔突出就落後,聞戰鼓思良將,所以無綫盡量招攬人才返嚟。」

做好創作製作
李寶安說要重點做好創作及製作,並讚助理總經理杜之克是人才:「佢上場係協助曾勵珍,等曾勵珍可以集中處理平日事務,杜之克可以做番自己製作方面,加強藝人管理同資源,同做有關藝人協調,盡量唔重疊藝人出鏡率。」

為優化戲劇組,李寶安點名杜之克及余詠珊聯手出擊,大包圍收兵,演員方面亦來個大執位,杜之克亦聯絡早前高調宣布與無綫分手的陳國邦,以誠意力邀他回巢,最終國邦答應。據知國邦回歸頭炮,乃明年2月開拍的全新處境劇,他將與同是好戲之人的黎耀祥及毛舜筠鬥戲。曾多次公開批評無綫的視后鄧萃雯,據知余詠珊已為她度身訂造擔正新劇《不懂撒嬌的女人最苦命》,利誘她重返無綫。

曾勵珍曾致電
陳國邦離巢兩個月後重返無綫,有不少網民支持,但亦有人認為他不應吃回頭草。對此,國邦笑指好草不怕吃:「唔係同無綫鬥氣,當時我辭職係因應當時心情,唔開心咪離開。但依家呢刻,我得到咁好待遇,又有咁想合作嘅組合毛舜筠同黎耀祥,無綫又好有誠意,我亦都因為呢刻好想返去做,咪簽番。我唔理係咪回頭草,好食嘅草我咪食。(走咗兩個月就返?)係,傾回巢呢個過程我都覺得幾曲折。(杜之克親自搵你?)係,佢第一個搵我,佢好有誠意,第二個令我返去嘅原因,係有我好欣賞同好想合作嘅毛舜筠將會同我拍劇,毛姐打過畀我,珍姐(曾勵珍)亦有搵我,種種原因加埋令我想返無綫。」

國邦指「回家」後有加人工,但非驚訝數字,更指錢不是重要原因,反而是工作上得來的滿足較重要。將於明年開劇的他,被問何時返無綫簽新約?他謂:「原本份約到今個月底先滿,所以新約唔使急,忙完手頭上工作,聖誕後會返公司搞。」而雯女至截稿前尚未聯絡得上。

(東方日報)
======================================================================
陳國邦誠意打動極速回巢

昨日《好報》爆無綫集團行政總裁李寶安下令重整戲劇組,他昨日受訪時指現時重點落在創作及製作方面,又大讚杜之克是人才:「杜之克會加強藝人管理同資源,做有關藝人協調,盡量唔重疊藝人出鏡率。」杜之克首要任務是將早前因心灰離巢的陳國邦斟回巢,並安排他與黎耀祥及毛舜筠合作明年二月開拍的全新處境劇。而曾多次公開批評無綫製作的鄧萃雯,據知余詠珊亦為她度身訂造角色,擔正新劇《不懂撒嬌的女人最苦命》利誘回巢。

被指吃「回頭草」的陳國邦說:「我唔係同無綫鬥氣,當時我辭職係因為應當時心情!但呢刻我得到咁好嘅待遇,又有咁想合作嘅毛舜筠同黎耀祥,無綫又好有誠意……我呢一刻想返去做咪簽番囉!(離開兩個月就返去?)回巢過程都幾曲折,杜生第一個搵我,而毛舜筠同曾勵珍都有搵我!(加人工?)少少啦!」
而馬國明及楊怡亦隨余詠珊得勢而受力捧,提到將於明年拍新劇《使徒行者2》,馬國明笑說:「公司未通知我喎!依家拍緊《廉政行動2016》拍到2月打後。」

(太陽報)
======================================================================
陳志雲罪成免牢獄之災 祥仔馬仔鬆口氣 碧兒送上祝福

香港文匯報訊(記者 梁靜儀、植毅儀)陳志雲被指2009年時任無綫電視業務總經理期間,出席無綫直播奧海城除夕倒數節目的《志雲飯局》環節,未經同意收取11萬多元酬勞,陳志雲與經理人叢培崑昨在高等法院被裁定串謀代理人接受利益罪罪成,其中陳志雲被判罰款8.4萬元,叢培崑被判罰款2.8萬元。多位曾經合作過的藝人認為事件有了結是好事,大家都向陳志雲送上祝福。
對於無綫前總經理陳志雲涉貪案昨日判刑,人在台北的黎耀祥接受訪問表示,他替陳生鬆一口氣,希望事件告一段落,以後陳生可以為廣播行業貢獻更多。楊思琦表示事件已困擾他5年,支持法官予以輕判,亦會繼續支持對方。

(文匯報)

2015年12月16日 星期三

[新聞] 黎耀祥無獎攞心服口服

黎耀祥與單立文等一眾劇集《財神駕到》演員相約於黃長興開設的餐廳一起食煞科飯,並為37歲生日的黃嘉樂慶祝。
祥仔對於在台慶頒獎禮「捧蛋」未感失望:「賽果是實至名歸。《梟雄》獲最佳劇集我已經當攞咗獎啦!已經好開心。(羅家英要安慰失落視后的汪阿姐。)阿姐已地位超然,多一個或少一個獎沒大影響,家英哥也只是護妻心切。(家英哥暗示是權鬥犧牲品?)又不會,沒甚麼關係,攞獎要睇很多客觀因素與條件的。」
對於胡定欣被質疑只擔正過兩套劇就封后,祥仔說:「我拍《巾幗梟雄》時也只是第二次做主角啦!沒所謂吧!演員是睇長綫的。」

(星島日報)
http://news.sina.com.hk/news/20151216/-17-4549840/1.html
=======================================================================
黎耀祥頒獎禮食白果無失望

【明報專訊】黎耀祥前晚與單立文於黃長興開設的餐廳舉行新劇《財神駕到》煞科宴,對於台慶頒獎禮食白果,祥仔不感失望,覺得賽果是實至名歸,其有份參演的《梟雄》奪得最佳劇集已很開心。對於羅家英替太太汪明荃(阿姐)失落視后感不值,祥仔直言阿姐地位超然,家英哥可能愛妻心切。家英哥似暗指阿姐成為無綫黨派之爭的犧牲者?祥仔覺得不會:「平心而論,《鬼同你OT》迴響是很大,有些事不是必然的,要看很多客觀因素和條件。」他也替胡定欣奪視后感開心,兩人合作過7套劇,看着對方成長。有網民指胡定欣擔正過兩次便封后?祥仔認為這更加是對胡定欣的肯定,他自言當年《巾幗梟雄》也是他第二次當主角便攞視帝,故沒關係。對於頒獎禮期間派炸雞環節接獲投訴,祥仔直言現在有什麼是不投訴的,他反而覺得這條橋幾好,笑指現時生意難做可幫補一下:「現場幾開心,可緩和氣氛,雖然是有少少商業元素,但加插這些新元素我幾喜歡。下次可試打邊爐。」

黄長興太太佗仔湊「好」字

餐廳老闆黄長興透露太太懷第二胎,現時四個月大,剛照超聲波知道這胎是兒子,開心湊成「好」字。是否「收工」?他笑言要視乎經濟環境。大女也知快做家姐,作為父母也會做個好榜樣,教他們要相親相愛。

記者:陳釗

(明報)
http://ol.mingpao.com/php/showbiz3.php?nodeid=1450204419780&subcate=news&issue=20151216
=======================================================================
祥仔提議明年台慶打邊爐

黎耀祥、黃長興及黃嘉樂等前晚在長興的餐廳舉行劇集《財神駕到》煞科宴,祥仔及單立文請食飯,長興包酒水。適逢嘉樂生日,眾人捧出蛋糕替他慶祝。

談及視帝后賽果,祥仔指秋生乃實至名歸,更指《梟雄》奪最佳劇集很高興。提到食飯慶祝,他說:「秋生攞獎,希望佢搞啦!」至於羅家英對汪明荃失視后感失望,祥仔說:「汪明荃地位超然,佢愛妻心切啫!」他又指食炸雞條橋好,笑言如果下次打邊爐應該幾爆!
此外,出爐視帝黃秋生接受電台的電話訪問時表示,有時間會睇《梟雄》。問到會否再拍劇?他聲稱若再拍劇,希望可拍時裝動作戲或喜劇:「古裝就冇咩頭髮喇!黐唔到啲假髮,喺香港拍嘅話就冇咩特別條件,出埠就多啲特別條件,特別係居住條件,有時真係好東方模式,一拍膊頭講嗰啲就易出事。」

(太陽報)
http://the-sun.on.cc/cnt/entertainment/20151216/00470_016.html
=======================================================================
祥仔建議秋生帶隊慶祝

黎耀祥及單立文等前晚出席劇集《財神駕到》於黃長興的餐廳舉行之煞科宴,祥仔及單立文請食飯,長興包酒水。說到視帝后賽果,祥仔指秋生實至名歸,問會否食飯慶祝,他謂:「秋生攞獎,希望佢搞啦。佢希望有大卡士拍劇,觀眾同演員都需要刺激,演員會遇強越強。」提到羅家英對汪明荃失視后感失望,祥仔指汪明荃地位超然:「佢愛妻心切啫。」祥仔又指「食炸雞」條橋好,笑言下次打邊爐應該幾爆。

視帝黃秋生接受電台的電話訪問昨播出,他表示不排除再拍劇,但希望拍時裝打戲或喜劇:「古裝就冇咩頭髮喇,黐唔到假髮,喺香港拍冇咩特別條件,出埠就多啲,特別係居住條件。」

(東方日報)
http://orientaldaily.on.cc/cnt/entertainment/20151216/00282_009.html

2015年12月11日 星期五

[新聞] 黎耀祥視帝投陳展鵬一票 汪明荃:跟後生爭獎幾開心

【明報專訊】無綫盆菜宴分兩晚舉行,昨晚逾250名藝員參加,不少藝員趁機為台慶頒獎禮拉票。視帝熱門之一的黎耀祥表示會投陳展鵬一票,因對方在海外奪得兩個視帝勢頭勁,在《張保仔》亦演得好好,以年資來說是時候攞視帝,獎項是好大的鼓勵,公司都積極培育演員。不過他不是放棄,要看觀眾及評審的選擇,他仍會盡力,投入才好玩。視后他覺得是胡定欣與田蕊妮之爭。

汪明荃之前在新加坡奪視后,她希望大家支持《華麗轉身》,是誠意之作,而她可以跟後生爭幾開心。有否信心再下一城?她認為信心個個都應該有。最大對手是誰?她說:「個個都做得不錯,鍾嘉欣在《華麗轉身》做得好好,角色有好大突破,她好努力好搏。其他楊怡、田蕊妮等都好好。(會否拉票?)咁希望大家投我一票啦!」現場有呼籲支持器官捐贈卡活動,她覺得有意義,會跟老公羅家英商量。

黃心穎爭飛躍獎嘆對手好強

黃心穎在場受職員歡迎要求合照,她說平時少接觸的同事都說投她一票好窩心,令她信心增加。她本身對奪得飛躍獎信心較大,但對手好強有陳凱琳、林夏薇等,戰况激烈。她透露姐姐有幫她拉票,但她覺得不是拉票就有獎,最重要是別人覺得實至名歸。高海寧憑《天眼》爭女配角,但她說沒有信心,當晚會扮靚靚出席。

李寶安:友台大埔那邊前途渺茫

無綫今年48周年台慶,集團行政總裁李寶安致辭時表示還有兩年TVB就50大壽,仍然是香港最強勢電視台,大家努力功不可沒。經歷過數次大挑戰,仍欣然度過。不過友台大埔那邊沒有這麼好彩,前途渺茫。

記者:陳釗



















(明報)
http://ol.mingpao.com/php/showbiz3.php?nodeid=1449771316250&subcate=news&issue=20151211
=====================================================================
三屆視帝祥仔睇好展鵬跑出

每年均爭崩頭的視帝、視后將在後晚揭曉!據知胡定欣已爬田蕊妮頭,在視后內部投票中暫時排行第一,昨日以大Deep V造型出席活動的她更明言決不放棄爭后。三屆視帝黎耀祥則睇好陳展鵬,並大讚展鵬氣勢強勁!

無綫的《萬千星輝頒獎典禮》將於後晚(13日)隆重舉行,上月底在《TVB馬來西亞星光薈萃頒獎典禮》上「神同步」雙雙登上視后寶座的田蕊妮及胡定欣鬥到難分難解,阿田憑《鬼同你OT》的出色演技被外界睇高一線,惟爭后形勢峰迴路轉!據知,視后內部投票暫以同劇提名的胡定欣票數最高,令阿田二度封后的「大計」或臨門撻Q!
暫列第一的定欣及視帝頂頭大熱陳展鵬昨日出席《Yahoo搜尋人氣大獎2015》,定欣中門大開加大露背性感造型現身,聲沙沙的定欣笑說:「把聲Sexy襯番件衫,可能因為轉天氣令氣管敏感。」問到頒獎禮會否一樣性感時,她說:「總之當晚都要靚,準備咗套See Through。(準備咗得獎感言未?)仲未呀!去公司頒獎禮每年都係開開心心,同班同事度過一晚,人哋有獎都會替人開心!(阿田話唔會放棄爭獎喎?)係呀!我都唔會放棄,希望《鬼同你OT》有好成績。(好似上次咁一齊拎?)唔知喎!不過上次一齊攞獎都成為話題,好多人問我今次會唔會都孖住攞,我都唔敢諗,但好開心咁多人期待我哋攞獎!」
大讚氣勢好勁

而展鵬受訪時說:「無綫頒獎禮係今年最後一個,今年已經好豐收。(信心十足同黃秋生五十五十?)唔係!秋生係神級,都唔係五五波,有得提名已經好開心,最衰今年冇份拍《梟雄》,唔係都想喺秋生身上學到嘢!(準備咗靚衫?)今年係最有誠意嘅一年!」
有望四奪視帝的黎耀祥昨晚出席《TVB職藝員聯歡晚宴》,他坦言睇好展鵬稱帝:「佢個勢好勁,喺新加坡同馬來西亞都拎咗,而且傳媒搞嘅投票佢票數亦好高,以佢嘅年資都係時候攞!自己以過來人嘅身份覺得拎獎係好大嘅鼓勵,可以培養其他演員。(咁今年即係放棄?)都唔係,觀眾同評審有佢哋睇法,我只係講我嘅意見唔會影響到佢哋,我都會盡力拉票,頒獎禮就係要投入先好玩,冇話邊個讓邊個。(視后睇好邊個?)阿田同定欣之前拎雙視后,個角色又有關連,都係佢哋兩個之爭!」同場的汪明荃早前憑《華麗轉身》在《星和無綫大獎》封后,她指每個有份競逐的藝員都表現出色,並會支持同劇的鍾嘉欣。
杏兒感謝好姊妹

至於本月28日出嫁的胡杏兒則聯同「胡說八道會」好姊妹大搞婚前單身派對,她在個人社交網上載多張「Bachelorette party」的相片,胡定欣、胡蓓蔚、黃智雯、姚子羚、李施嬅與馬賽等都有出席,原來她們齊齊到台灣旅遊,杏兒留言感謝姊妹為她安排「Bachelorette party」。

(太陽報)有片睇
======================================================================
高海寧自問爭唔贏扯定白旗






















































(東方日報)

2015年12月6日 星期日

[新聞] 黎耀祥翻印舊書 封面交囝囝操刀

香港文匯報訊 黎耀祥最近為六年前推出過的書籍《戲劇浮生: 黎耀祥論演技與人生》推出增訂版,昨日於鑽石山舉行簽書會,吸引不少粉絲到場,祥仔透露六年前出書時自己滿腔熱血,當時仍未奪下視帝獎項,只是希望用文字記錄演戲、演技,給對戲劇有興趣的人探討,因祥仔覺得演戲不單是娛樂,還可以給人研究。又指當時出書後只舉行了新書發佈會,之後就相當忙碌未有再舉行有關書籍的活動,覺得浪費了,所以今次的增訂版是希望讀者可以再買到。
六年過去,祥仔覺得今次的增訂版似給自己一大反思,因為當年是滿腔熱血地講演技,但自拿下視帝走紅後工作就像沒有停過,感覺變得市場化、商業化:「不論有錢、冇錢等等的工作都關自己事,這樣就六年了,所以靜下來都有諗名利的影響,今次增訂版是一個大反思!」祥仔還特別提到書籍封面及封底的相片均由兒子親自拍攝,封面像要小心地行自己的路,封底就像回望過去。

(文匯報)
http://paper.wenweipo.com/2015/12/06/EN1512060007.htm
======================================================================
黎耀祥出書變訓練班教材

黎耀祥昨日出席「仁濟慈善盆菜宴」時,透露一直有為報章寫專欄,6年前推出書籍《戲劇浮生》將專欄文章集結而成,當時剛奪得視帝,是他最忙的時候,但最近再版該書,把6年間所發生的變化也寫入書內,而且由兒子操刀拍攝新書相片。
問到如再出書會選擇那類題材?他說:「有人叫我再出書不如寫娛樂圈跟紅頂白,寫吓6年前未得獎的感受,但自己不想求其。(當年出書獲得視帝,今次出書再奪獎?)出本書係紀念,不過鄭丹瑞都有建議訓練班學員買這本書。」

(星島日報)
======================================================================
黎耀祥出書啟發新演員

視帝黎耀祥昨日出席慈善盆菜宴時,透露剛翻印六年前推出的書:「當時係最忙嘅時候,啱啱攞完視帝,只係做過一次新書發布會,之前有內地書商將我本書改為簡體版,仲成日請我去講講座,但係嗰陣冇時間,最近再翻印,呢六年我有好多變化,所以今次加多咗幾千字,仲特登叫阿仔幫我影相。」問到若再寫書有甚麼新題材?他笑說:「好多人叫我寫吓娛樂圈跟紅頂白,但我想留個紀念,純粹分享,希望畀新一代演員得到啟發。」

今次翻印,黎耀祥特地叫阿仔操刀影相,順便享受親子樂!
































(太陽報)有片睇
======================================================================
黎耀祥推舊作 啟發新人

視帝黎耀祥近日翻印六年前推出的書,昨日他出席仁濟慈善盆菜宴時分享感受:「六年前出書時係最忙嘅時候,啱啱攞完視帝,所以只係做過一次新書發布會,之前有內地書商將我本書改為簡體版,仲成日邀請我上去演講,但係嗰陣真係冇時間,最近再翻印,呢六年我自己都有好多變化,所以今次都加多咗幾千字。」

他稱有很多人着他多寫娛樂圈跟紅頂白等事宜,但於他來說出書是為自己留個紀念,純粹分享,亦希望可以讓新一代演員得到啟發:「依家訓練兩個月就拍劇,旦哥(鄭丹瑞)都有提議班新演員買我本書。」

(東方日報)