KKground... ......................... . 搜尋文章請按首頁左上角...................................................................................................@留言請按我@

2015年9月4日 星期五

[新聞] 秋生黎耀祥爭視帝先禮後兵

無綫四套台慶劇已定,意味準視帝視后之爭漸漸浮現,今年視帝之位將由黃秋生、黎耀祥、陳展鵬、歐陽震華等爭奪;至於視后方面最有機會跑出的有田蕊妮、陳凱琳和胡定欣等,不過所有準視帝視后都互笠高帽,當中黃秋生更坦言會投黎耀祥一票!

2015無綫台慶劇塵埃落定,四套台慶劇包括由黃秋生、湯鎮業、黎耀祥主演的《梟雄》;陳展鵬、洪永城、陳凱琳主演的《張保仔》;歐陽震華、萬綺雯主演的《東坡家事》以及黎耀祥、黃宗澤、田蕊妮的《無雙譜》。無綫年尾舉行的台慶頒獎禮,視帝視后之選大部分都由台慶劇產生,落實台慶劇亦意味準視帝視后名單漸漸浮現。今年視帝之選有擔正劇集《梟雄》的好戲之人黃秋生、兩劇在手的黎耀祥及收視福將歐陽震華,另有後起之輩陳展鵬和洪永城等。

祥仔怕分薄票數
已連續六年擔任台慶劇主角兼今年有兩套台慶劇在手的黎耀祥奪獎機會甚高,但他直言兩劇在手並非好事,擔心會分薄票數,亦坦言秋生都很大機會奪獎,祥仔謂:「秋生係一個好勁嘅演員,以前外援好似黃子華咁都攞過視帝!」

久未拍劇的黃秋生在《梟雄》中擔正,與黎耀祥有不少對手戲,他大讚黎耀祥好戲,直言會投對方一票兼全力支持:「好希望祥仔攞到,祥仔好好戲,同埋如果祥仔攞,我唔使請食飯之餘仲有得食嘛!我又唔係TVB人,畀個獎我都唔會拍多兩套。」

後起之秀感壓力
視后人選方面,最有機會跑出的莫過於擔正《無雙譜》及《鬼同你OT》女主角的田蕊妮,勁敵則有主演《張保仔》的陳凱琳,由於《梟雄》一劇女主角胡杏兒離巢,阿田再奪視后機會也相當大,可是阿田說:「視后唔係睇對手,係睇自己表現,要不停超越自己,唔係贏人哋。」後起之秀陳凱琳直言《張保仔》成為台慶劇增加其壓力,至於有沒有信心奪視后?她說:「心情好興奮,呢套劇好多戲份,亦拍得好辛苦,不過唔會諗太多,愈同人鬥就愈唔開心!」文:影視組

(東方日報)
========================================================================
監製讚老戲骨有火花

台慶劇《梟雄》監製王心慰及《無雙譜》監製羅鎮岳均對劇集質素及演員都很有信心,王心慰謂:「講真,呢套劇係我拍咁耐劇以嚟,最有質素同最貴嘅,仲有三個老戲骨黃秋生、湯鎮業、黎耀祥,佢哋都係好有實力嘅對手,拍嘅時間都唔衰得,所以有好多火花。」說到女主角胡杏兒離巢或無緣封視后,她謂:「唔知,同埋呢啲係靠觀眾投票選出,公司好公平。」

羅鎮岳則指《無雙譜》中的田蕊妮演技出神入化,與祥仔均是一人分飾兩角,他說:「阿田個角色亦男亦女,視后視帝畀晒佢啦!」說到此劇與另一台慶劇《張保仔》都以電腦特技做賣點,羅鎮岳說:「我哋sell卡士同演技,特技《張保仔》規模大好多。」

(東方日報)
========================================================================
黎耀祥叫雙飛惡鬥秋生 田蕊妮勁分裂有望冧莊

今年無綫視帝視后之爭戰況激烈,三奪視帝的黎耀祥有兩套台慶劇在手,與在劇集《梟雄》合作的影帝黃秋生力爭視帝,另一視帝級好戲之人歐陽震華黃雀在後,形成三強鼎立局面。至於視后之爭則落於田蕊妮、陳凱琳及萬綺雯身上,與阿田在劇中玩「神同步」的胡定欣,更勁Buy阿田再奪視后!

無綫一年一度的台慶頒獎禮將於今年年底舉行,今年的視帝視后之爭勢成熱話,已三奪視帝的黎耀祥今年「起雙飛」有兩套台慶劇揸手,分別是《梟雄》及《無雙譜》;至於不是無綫親生仔的影帝黃秋生跟黎耀祥齊齊在《梟雄》中大鬥演技,加上在《東坡家事》擔正的歐陽震華(Bobby)實力超晒班,三位視帝大熱攜手掀起一場龍爭虎鬥!

擔心分薄票源
已第六年在台慶劇擔正的黎耀祥坦言,今年視帝之爭形勢激烈,擔心自己有兩套劇角逐視帝不是好事:「今年形勢幾妙,大家都有咁上下資歷,我同秋生、湯鎮業三個有唔同背景,唔同感覺,唔同化學作用撞埋,真係好好睇,秋生係一個好勁嘅演員,咁外援好似黃子華咁,都攞過視帝,所以今年形勢都幾刺激,而我有兩套劇喺手,但其實唔係一件好事,會分薄票源,而《無雙譜》個角色都幾過癮,不過講到戲味,咁就《梟雄》比較濃。」

睇好《梟雄》
而秋生睇好黎耀祥攞視帝:「戲就大家都咁好,祥仔喺電視度撈,我又唔係TVB人,畀個獎我我都唔會拍多兩套劇啦!我好希望祥仔攞到,因為祥仔好好,我建議佢抄吳鎮宇,癲癲哋咁,我個角色就老啲,同埋如果祥仔攞到,我唔使請食飯嘛!佢攞我又有飯食,而且佢係無綫人,我都會投佢一票,我主力支持祥仔。」

至於《梟雄》監製王心慰則坦言,以往從未拍過如此貴的劇集,問到有否信心奪最佳劇集獎,她說:「講真,呢套係拍咁耐劇以嚟,最有質素同最貴嘅,仲有三個老戲骨黃秋生、湯鎮業、黎耀祥,有實力嘅對手拍嘅時間都唔衰得,有好多火花。」

與黎耀祥合演《無雙譜》的田蕊妮(阿田)則有機會憑劇中角色冧莊入圍爭視后,與近期極速上位的前港姐陳凱琳(Grace)及萬綺雯力爭視后寶座,而在早前熱播劇《鬼同你OT》與阿田「神同步」的胡定欣亦力推阿田做視后!

問到今年有否信心冧莊視后,阿田表示今次劇中角色對她來說是很大挑戰:「喺劇中一人分飾兩角,一個男一個女,做兄妹,係神幻魔幻題材。(亦男亦女難做?)唔止一人分飾兩角,因為哥哥離鄉別井,阿妹仲要扮阿哥住喺城入面。從未試過咁棘手,演嗰時要分得好清楚。」提到胡杏兒與無綫已無約在手,刻下主演《張保仔》的Grace為最大勁敵,阿田說:「視后唔係睇對手,係睇自己表現,要不停超越自己,唔係贏人哋,唔諗視后住。好似《鬼同你OT》咁,有兩套一人分飾兩角嘅劇都好過癮!」

陳凱琳壓力大
至於資歷尚淺的Grace則表示有份提名已很好:「心情非常興奮,呢套劇辛苦咗半年,亦好多戲份,大家又拍外景,對我講好有意義。至於成為台慶劇真係壓力大少少,我想平常心面對,盡咗力就得。(有冇信心攞視后?)呢啲嘢唔會諗太多,愈睇輕愈好,愈同人鬥就愈唔開心,對頒獎禮冇乜期望,有得提名、參與已好開心。」

胡定欣勁開心
而胡定欣在《鬼》劇演技出色,被網民睇好奪視后,問到她有否信心時,她說:「依家諗太早喇!其實都唔係關台唔台慶劇事嘅。《鬼同你OT》收視咁好我已經好開心。依家日日都開工,冇諗有冇機會攞獎,年尾先再算啦!」她又表示睇好阿田攞視后。熱門之一的萬綺雯說:「拍嘅時候開心,又識到Bobby、王浩信同陳自瑤已夠好開心,其他嘅嘢我真係冇諗咁多。」

(太陽報)

沒有留言:

張貼留言