KKground... ......................... . 搜尋文章請按首頁左上角...................................................................................................@留言請按我@

2015年5月30日 星期六

[新聞] 《大時代》造星傳奇

【狂煲大時代】《大時代》方家三姊妹前晚慘死,玲姐藍潔瑛變癲,下星期則踏入最後10集,高潮迭起。《大時代》不但見證時代變遷,也是當日一班配角成長印記。當年林保怡還是個演戲初哥,跟前輩江毅做對手戲未埋身已手震,結果10多年後他摘下香港及亞洲視帝,成為公認的好戲之人。而當日總是站在一旁羨慕劉青雲擔正神劇主角的陶大宇,3年後已火速榮升師奶殺手;《大時代》展現的不只是大奇蹟,亦是一個個演員的奮鬥歷程。

撰文:戴彩煥


早已榮登視帝的林保怡,原來愛收工後留低欣賞其他前輩演出,從而吸取經驗。

























當年還是演戲初哥的林保怡(左),在《大時代》與江毅對戲時嚇到手震。





















【林保怡收工留低學做戲】

憑04年《金枝慾孽》及10年《掌上明珠》成為香港視帝及亞洲視帝的林保怡,在《大時代》中飾演陳萬賢(江毅飾)的私生子陳滔滔,23年前接拍《大時代》時,還是個20來歲的年輕小伙子,演戲資歷僅得2年,幾乎是張白紙,要跟鄭少秋、江毅一眾實力前輩合作,保怡自然要打醒精神。保怡說:「一睇劇本,好多台詞喎!嘩同江毅叔呀?直情有啲手震,唔得,我要做好功課,我要睇熟啲劇本先。」

「鍾意《天與地》多啲」

念對白對當年保怡來說是個負荷,一個鏡頭往往要拍多次才成功。保怡說:「有場同江毅老師對戲對得好勁,我take兩個take,江毅老師就會話:『等等,我出去休息吓先。』因為佢啲戲好用力,拍一兩場好似打場波咁,要出去休息吓。」
拍完收工是常識吧,但保怡偏偏喜歡繼續留低偷師:「喺鏡頭後邊睇人點擺機位,演員點演,對自己有幫助,袋錢落袋,有機會多留喺拍戲現場,睇其他演員演出,唔單止免費,仲係live,何樂而不為?當年我有睇青雲、藍潔瑛,秋官佢哋做戲,當然係縮埋一邊唔敢騷擾佢哋啦。」今日翻看自己演出感覺如何?保怡笑說:「可能有朋友睇到覺得演技好嫩,但我當時已經盡咗力,我冇後悔,當然𠵱家睇番,有好多嘢要改。」
《大時代》跟保怡擔正的《天與地》同被網民封為神劇,兩部神劇,那一部最「神」?保怡笑說:「兩個劇種都唔同!我鍾意《天與地》多啲,由《大時代》到《天與地》,我已經攞到好多經驗。其實兩個劇嘅劇本都好好,我亦好開心可以拍到《大時代》呢部咁出色嘅神劇。」

場地:Harlan's(The ONE)

楊羚感激劉青雲和藍潔瑛當年在演技上給予不少意見和提點。

























楊羚(右)在《大時代》中被丁益蟹強姦,最後更跳樓自殺身亡。





















【楊羚獲提點磨練演技】

已故前輩藝人劉克宣外孫女楊羚,在《大時代》飾演方敏,戲份雖然不多,但自殺不遂入院及跳樓前笑別家人等片段,令觀眾留下深刻印象。無綫近年愛在劇集中加插女藝人被姦場口吸睛,但楊羚在《大時代》被陶大宇強姦,只是對白交代也一樣可以震撼人心,楊羚說:「當年完全冇嗰啲鏡頭,唔似𠵱家撕爛衫嗰啲。我覺得始終係小朋友睇電視時間,鏡頭唔好拍得咁明顯,營造氣氛就足夠,唔使咁露骨!」
楊羚當年演戲經驗不足,多得藍潔瑛和劉青雲不時提點:「青雲仲送過本研究演戲嘅書畀我。當年我會嘻嘻哈哈走嚟走去,佢哋會拉我返入廠叫我培養情緒。」

撰文:戴彩煥

艾威指當年與藍潔瑛和陶大宇經常相約打牌。

























艾威自爆投入角色,曾真心戀上玲姐。





















【艾威約玲姐益蟹打牌】

艾威飾演癡戀「玲姐」藍潔瑛的警察李立光,他說:「光Sir梗係鍾意玲姐,我拍戲通常唔吝嗇我嘅感情,尤其玲姐當時咁靚,鍾意佢一啲都唔難。我同佢唔需要有火花,因為我係單向暗戀,我serve佢都可以畀面色我睇㗎。嗰時會約埋佢同陶大宇嚟我屋企打麻雀,都有畀面色我睇……當我扣住佢啲牌嗰陣,哈哈。」
「我仲記得拍攝時曾經問過青雲:『你𠵱家到底係方展博定劉青雲?』佢話:『我可唔可以唔答你呢個問題。』我諗係因為演戲有時係一種出賣,出賣感情同出賣關係,要喺拍攝期間將自己同身邊人關係打破晒,然後再重新建立過。」

撰文:嵐山

唐寧指秋官和松哥在戲外都很好人。














































【唐寧靠丁蟹帶入戲】

唐寧當年只是10歲,卻有幸被選中在《大時代》飾演童年版方芳,仍然是充滿童真稚氣的她,遇到戲外的鄭少秋和《大時代》的丁蟹,唐寧覺得好神奇,她說:「拍嗰時冇留意佢真係咁癲,𠵱家睇番佢個角色真係幾慘,長期處於好唔穩定嘅狀態。不過,秋官戲外同松哥一樣咁好人,成日同我哋玩,一開工就好開心,丁蟹就更加明顯,一入到戲就係兩個人咁,話惡就惡,驚咗佢?喺戲入面就驚,一cut機佢就變第二個人,所以小朋友好容易被丁蟹帶動做得好自然。」

撰文:楊潔雯

黃寶龍最深刻是與玲姐在雨中拉扯的戲份。






































【黃寶龍難忘方家搬屋】

《大時代》做童年方展博的黃寶龍已經長大成人,今年34歲,未婚卻育有一個16歲的兒子,為家人打理書局生意,日前他接受訪問時說:「最記得當日玲姐要我哋搬走,我又要搬單車又要搬玩具,嗰幕真係好深刻。有幕係玲姐逼我返去師傅度,嗰時落住大雨,仲要同玲姐拉拉扯扯,我仲記得嗰晚已經凌晨兩、三點,好記得條後巷好污糟,我又濕晒。」

撰文:盧妹

(蘋果日報)有片睇
http://hk.apple.nextmedia.com/entertainment/art/20150530/19165254
======================================================================
陶大宇羨慕青雲演方展博

憑《刑事偵緝檔案》獲封「師奶殺手」的陶大宇,在92年《大時代》中飾演打家劫舍、姦淫擄掠,集所有壞事於一身的丁益蟹,雖然角色衰到貼地,但大宇仍要特別多謝監製韋家輝帶挈,大宇說:「佢拍完《大時代》之後好快離開TVB,原來佢臨走之前交帶咗好多身後事,就係叫其他監製同幕後人畀多啲機會大宇,話呢件好嘢嚟!真係好多謝韋家輝。」
回想《大時代》第一場掟仔落街經典場面,大宇指四蟹本來要吊威吔真跳,大宇說:「嗰場戲好辛苦,拍咗20幾個鐘頭,廠景到朝早10點,緊接到灣仔商業大廈天台拍,開頭設計set威吔真跳,但真係太危險,我哋又唔夠瞓,唔夠體力,所有配套唔能夠好安全拍呢場戲,導演同武指研究過,最後取消呢個念頭。」

大膽創造角色

大宇戲份不及大佬孝邵仲衡,但角色卻是四兄弟中最搶,大宇笑說:「個角色真係好搶,我自己又演得比較大膽,因為嗰時冇人理我哋,理都理秋官同青雲哥,我呢啲老茄連海報都冇張相,基於咁嘅理由,畀我哋自由度好大,我可以創造呢個角色出嚟,冇包袱。」
大宇跟劉青雲同期訓練班畢業,眼見青雲當主角,大宇直認十分羨慕:「青雲你就好啦,接到一部神劇,個角色又咁好發揮、咁漂亮。當時我覺得呢部戲唔係屬於我,但𠵱家睇番,都好多謝網民觀眾咁留意我,我可以參與到呢部神劇,都有少少無悔。」若然可以重新「洗牌」,最想演那個角色?大宇笑說:「當然方展博,呢個角色幾完美,好有發揮空間,反差好大,但當然青雲會演繹得好過我啦。」

場地:Fifth Salon 

陶大宇笑指自丁益蟹之後,自己已經「從良」演正氣角色。

























大宇(右)揚言恨演方展博,指角色有發揮空間。



















(蘋果日報)有片睇

2015年5月29日 星期五

港劇景點-潮拜武當-樂園冰室

劇集:潮拜武當
集數:CH05,CH09
地點:樂園冰室
地址:土瓜灣麟祥街27號地下
http://www.openrice.com/zh/hongkong/restaurant/%E5%9C%9F%E7%93%9C%E7%81%A3-%E6%A8%82%E5%9C%92%E5%86%B0%E5%AE%A4/126637

















潮拜武當CH05




















潮拜武當CH09

[新聞] 掃玩具買衫仔又抱又啜 黎姿孻女賣萌 扭計坐地

現年43歲的幸福人妻黎姿,前日帶兩歲半孻女Pegella到中環享受購物樂,不怕被捕捉的黎姿全程都是為囡囡揀選玩具和新衫,明顯將心肝寶貝放在第一位,囡囡肥嘟嘟眼睩睩超可愛,還有一道又黑又濃的招牌「黎姿眉」,兩母女啜啜錫錫超溫馨,不過,可能囡囡年紀太細沒耐性又眼瞓,有時扭計不肯試衫,坐在地上扁嘴撒嬌表現天真,要媽咪親自出馬又𠱁又抱。

黎姿於2008年嫁給富商馬廷強後,全面息影專心做人妻,三年抱三的她先後誕下快滿5歲的孖女馬家蔚、馬家鎂及兩歲半孻女Pegella,一家五口幸福滿瀉。3名女兒逐漸長大要融入社會,黎姿沒有刻意收埋囡囡避免曝光,近年大方帶女兒出巡見世面。兩個月前被網民在中環捕獲一家大細high tea後,前日黎姿由傭人陪伴下,帶孻女Pegella到中環行街購物,相信孖女因要返學未能同行。

不耐煩撥開裙仔

前日下午約4時許,黎姿挽着價值約25,000元的Givenchy Antigona豹紋手袋配襯金錶,與孻女現身中環太子大廈的玩具店,當時黎姿正在收銀處等付款,眉粗粗似足媽咪的Pegella,與同齡小孩一樣最愛玩具,在店內玩到意猶未盡,索性坐地玩琴仔,最後店員幫忙搬大型廚房玩具落樓上車,黎姿抱起Pegella啜啜錫錫,再轉戰第二站去名店Ralph Lauren買童裝衫。
擁有3名女兒的黎姿,當然最愛幫囡囡扮靚,她在店內周圍行攞衫拼在Pegella身上,不過年紀小小的Pegella愛玩具多過愛衫,只有兩歲半的她真情流露表現不耐煩,當黎姿攞一條紅色格仔裙拼在她身上,Pegella扭計伸手撥開裙仔,母性大發的黎姿伸手抱抱作狀𠱁女,Pegella乖乖地雙手攬實媽咪,之後黎姿拖住她行去第二個櫃位,再攞另一條藍色碎花裙,踎低幫囡囡拼上身,Pegella先扁嘴搖頭向後行,再乖乖行埋媽咪身邊,將一條黑色格仔裙拼上身,十分可愛。

扮鬼臉扁嘴撒嬌

不過,當黎姿行開揀衫時,由傭人幫Pegella試着新衫,Pegella再扭計揈開衫仔,傭人似乎沒甚耐性,竟趁黎姿不在附近,不但手指指似罵小主人,更偷偷伸手向小主人扮彈面,眼矋矋的她樣子有點凶惡,雖然傭人只是恫嚇,沒有真的傷害到Pegella,卻已令Pegella發脾氣扭計,對鏡扮鬼臉,又坐在地上嘴扁扁撒嬌似哭,狀甚可憐。
之後黎姿親自出馬又𠱁又抱,店員又拿圖書給Pegella睇,終於𠱁掂囡囡,當時黎姿還不知囡囡曾被傭人扮彈面,與傭人有講有笑,最後由黎姿抱着囡囡,傭人負責攞戰利品及代黎姿挽手袋離去。
採訪、攝影:梁繼光

【中環 前日4:00pm】【抱女出巡】■黎姿前日抱着孻女Pegella到中環買玩具和童裝,全部戰利品都是屬於3個女兒,果然是廿四孝母親。


























【開心彈琴】■Pegella在玩具店流連忘返,索性坐在地上玩琴仔。


























【親親媽咪】■黎姿和囡囡玩啜啜錫錫,母女情深。


























【隨意試衫】■Pegella似乎對扮靚沒甚興趣,只隨意地拿起衫仔看看,沒耐性試衫。


























【扁嘴想喊】■Pegella被傭人扮彈面恫嚇後,坐在地上扭計扁嘴欲哭。


























【滿載而歸】■黎姿幫囡囡們買了大批玩具,要店員幫手搬落樓上車。


























黎姿早前帶愛女與友人high tea,她離開前先和孖女講拜拜。


























(蘋果日報)有片睇
http://hk.apple.nextmedia.com/entertainment/art/20150529/19163931

[新聞] 黎耀祥贊成胡杏兒外闖

【明報專訊】黎耀祥click me與楊詩敏(蝦頭)昨日擔任嘉賓拍攝無綫節目《食得健康嗎?》,對於有報道胡杏兒決意離巢無綫,以2500萬元身價改簽蕭定一發展,祥仔嘩然說:「咁筍呀!但點會搵我吖!」他贊成杏兒趁年輕出去多見識:「演員多嘗試出面製作都好,三五年後都可返無綫。」但他可能受杏兒拖累,他們主演的劇集《巾幗梟雄之諜血長天》隨時變倉底貨,祥仔稱:「拍了就不理,公司有政策去決定。」

蝦頭(左)與黎耀祥(右)注重健康,齊齊做「有營人」。



























(明報)
http://ol.mingpao.com/cfm/star5.cfm?File=20150529/saa01/mbd1.txt

2015年5月22日 星期五

[新聞] 【狂煲大時代】 大時代的足迹 幾許滄海桑田

楊羚重返恆安邨恆月樓「舊居」,努力尋回二十三年前拍攝《大時代》的記憶。






















神劇不會過時,但時代卻在不斷變遷,《大時代》那些年踏足過的地標、場景,又有幾多轉變?二十三年過去,舊機場遷拆,具歷史價值的皇后碼頭亦相繼消失,寧靜市鎮變成石屎森林,當日演員走過的大街小巷,不經不覺間已經面目全非。不過,縱然時代巨浪衝擊,仍有小店倖存繼續努力打拼,今日就跟大家走遍港九新界離島,尋找時代足迹,還有當年飾演方敏的楊羚重返馬鞍山恆安邨舊居,與舊街坊重拾往日情。

採訪:戴彩煥
攝影:沈健程、葉君海
協力:楊浩賢



第6集:【馬鞍山恆安邨】津津粥麵
重遇老闆 細說當年

玲姐一家搬入恆安邨,便到商場的茶餐廳開餐。楊羚日前坐在同一座位跟陳老闆傾談。









































第9集:【馬鞍山恆安邨】恆月樓
紀文追蹤 找到方家

紀文不忿方展博爭的士,曾驅車追蹤展博到恆月樓樓下。








































第16集:【馬鞍山恆安邨】木頭鐵滑梯架
愛的印記 保留至今

展博與慳妹在恆安邨的木頭鐵滑梯架上傾心事,這個90年代玩意仍保留至今。








































一切就由恆安邨說起。《大時代》中劉青雲飾演的方展博,一家入住的公共屋邨,正是1987年落成的馬鞍山恆安邨,也是馬鞍山新市鎮首個入伙公屋,容祖兒和王祖藍都是恆安長大。

楊羚:面目全非

二十三年前,馬鞍山就僅得八個屋苑,但隨着90年代急促發展,馬鞍山今日公屋、居屋和大大小小的私人屋苑數已目高達三十四個,難怪楊羚重返「娘家」時,感覺四周密麻麻。近年恆安邨已起了港鐵站,交通無疑比當年方便。
事隔二十三年,楊羚再踏足恆安邨,造訪當年方家入住的恆月樓,爬上方展博攀爬過的木頭鐵滑梯架,有熱情街坊拉住楊羚合照索簽名。之後楊羚走進曾取景的津津粥麵茶餐廳,坐在當年同一位置,努力尋回失落的記憶。楊羚笑說:「我喺恆安邨嘅外景唔多,印象都模糊,好在睇番啲片,真係坐正呢個位,感覺好得意。呢度真係唔同晒,以前旁邊冇咁多屋,商場又冇扶手電梯。」65歲的茶餐廳老闆陳漢英一見楊羚即熱情招呼說:「你嗰時成個學生妹,你冇變,越嚟越靚喎。」𠱁得楊羚哈哈大笑。

老闆;生意難做

陳老闆透露,當年免費借出地方給《大時代》拍攝,記得當日楊羚等點了雲吞麵和油菜,又興奮地指周潤發、鄭少秋等巨星也曾光顧。惟楊羚問到近年生意是否難做時,陳老闆感嘆說:「難做!91年我開始喺屋邨開茶餐廳,高峯期開到七間,𠵱家得番呢一間,因為領匯唔租畀我哋,佢哋想一啲新食肆入嚟,舊街坊嘅食肆覺得cheap,佢哋要高級啲,變咗啲街坊越食越貴。」陳老闆指茶餐廳租金比當年貴了四倍,未來日子能否繼續支撐下去,他亦不敢想像。
不少香港小店受不住時代衝擊而逐漸消失,楊羚亦深感可惜:「𠵱家個個商場好悶㗎,間間舖頭都係嗰幾間,冇乜香港特色。𠵱家好興一窩蜂,你知新界幾多拖篋黨啦,啲舖頭全部變晒賣奶粉、變晒藥房。係可惜㗎,但香港人適應能力好強,乜嘢都適應到。」

第1、40集:【灣仔】筆克大廈
掟蟹落街 驚動警察

丁蟹於交易廣場天台掟四子落街經典一幕,於灣仔告士打道的筆克大廈天台拍攝,而替身武師從高墮下及四蟹在劉青雲寫字樓窗外掠過鏡頭,則分別於其他的商業大廈和清水灣電視城取景。據當日有份參與的工作人員向本報透露,劇組在筆克大廈掟假人落街時,竟大批市民誤以為真的有人墮樓而報警,警方接獲過百報案電話,驚動總警司及四部衝鋒車到場。而這座1977年落成、樓高二十三層的筆克大廈為迎合潮流,早年已經進行翻新工程。






































































第2-6集:【九龍塘】根德道23號
方家豪宅 升值千倍

方進新當年的九龍塘豪宅,連當事人劉松仁也表示印象模糊。原本豪宅位於根德道23號,即根德小築時鐘酒店對面。根據土地註冊處資料顯示,該逾萬呎地皮最初由政府批出,業主1947年以6萬港元出售,翌年有外籍人士以8.8萬港元購入,並於1951年轉名予基督教宣道會,及至2004年宣道會以4,600萬售出。幾經轉手,新業主於2010年以1.628億向皇上皇集團主席謝炳順購入並重建,現時市值3億,過去六十八年來升值五千倍。


























































第5集:【土瓜灣】永香冰室
懷舊老店 60年不變

丁蟹跟蹤玲姐前往的永香冰室,位於土瓜灣炮仗街,於1959年開業。據光顧逾六十年的老街坊表示,永香冰室開業至今的裝修幾乎沒變;牆上紅色掛鐘,是開業時維他奶創辦人羅桂祥親手送贈,有《大時代》粉絲專程到該冰室拍照留念。






































































第6集:【太子道西】天橋底
露宿橋底 已被綠化

展博露宿的天橋底位於太子道西聖德肋撒天主堂鄰近,昔日光禿禿的天橋底,如今已「綠化」種植了花花草草,甚至有駕駛人士當作「停車場」使用。








































第7集:【荃灣】圓玄學院
何賤住所 開安老院

益蟹為嫲嫲何賤失蹤而大發雷霆,其後尋回她後親自孭她返荃灣圓玄學院表孝心。圓玄學院曾進行多項擴建工程,包括1994年開幕的安老院。








































第8集:【九龍城】黃明記


展博與慳妹在馬場輸錢後到九龍城啟德道黃明記粥粉麵開餐。裝修過的黃明記以墨魚丸馳名,原址在東正道街邊,創辦人黃振福七十年代購入現舖,其二女黃秀蓮(小圖)說:「《新紥師兄》都嚟拍過,冇收TVB錢,佢哋畀面,就啱時間咪借囉。」








































第9集:【中環】富麗華酒店
搶車窮追 酒店結業

紀文為搶的士一事到中環找展博晦氣,扮作聯交所的和記大廈仍然保留,但對面的富麗華酒店已於2001年結業,之後重建成友邦金融中心。







































第11集:【土瓜灣】甘露甜品
孝蟹媾女 糖水定情

孝蟹帶方婷去油麻地食甜品,惹來黑幫包圍,該糖水舖其實是1983年於土瓜灣美景街開業的甘露甜品,因為舖頭是親戚所有,令老闆娘譚太(右圖)不用捱貴租。譚太指不少《大時代》粉絲專程前來捧場:「嗰時900蚊租畀TVB拍天光,嗰日好好生意,幾十個茄哩啡食晒啲糖水。」














































第13集:【北角】樹仁大學
校門激吻 兩旁擴建

孝蟹送方婷返學,在校門前激吻,於北角寶馬山樹仁大學門前上演,2007年樹仁學院更名樹仁大學,大學兩旁屋苑拆卸後變圖書館和宿舍。








































第13集:【西貢】有利士多
應有盡有 名人熱捧

方婷風雨交加下到大嶼山有利士多找孝蟹,其實士多位置是西貢大網仔停車場,有粉麵飯等供應,獲駕駛人士熱捧,劉青雲和郭譪明也曾幫襯。








































第17集:【觀塘】觀塘碼頭
送戒示愛 MV熱點

孝蟹由台灣平安返港後,在觀塘汽車渡輪碼頭送戒指給方婷。該碼頭曾是眾多的歌手拍MV熱點,現只為危險品車輛提供渡輪服務。








































第24、39集:【九龍塘】歌和老街


展博在遊樂場鐵架上放紙飛機朗讀「Paper Plane」,以及向慳妹送戒指求婚的公園仔,據工作人員表示並非在恆安邨取景,而是在九龍塘歌和老街兒童遊樂場及其他公園拍攝。歌和老街兒童遊樂場經過重建後,當年鐵架、氹氹轉已經消失,韆鞦架亦換上新裝。








































第27集:【尖沙嘴】尖沙嘴地鐵站
血衣示威 近日再建

玲姐、展博等穿血衣坐在紅色的尖沙嘴地鐵站外控訴被黑社會迫害,隨着2007年地鐵與九廣鐵路合併,地鐵已改名港鐵,近日該站又再變裝。








































第29集:【石硤尾】大坑東棠蔭街
代妹回校 人面全非

展博為跳樓身亡妹妹方敏,到其就讀的鳳儀中學取成績單,該校本位於大坑東棠蔭街的聖道女子英文中學,現在已變成弘爵國際學校。








































第29集:【深水埗】懷惠道
掟方兄妹 唐樓已拆

孝蟹四兄弟買兇掟方展博、方芳和方婷落街的唐樓,位於深水埗東沙島街與懷惠道交界,當年的唐樓現已拆卸,變成私人屋苑喜雅。








































第31集:【台灣】鼻頭漁港
匿藏小屋 依然保留

紀文與慳妹在台灣找到展博匿藏的小漁港,是位於瑞芳區的鼻頭漁港。周慧敏粉絲早年到台灣旅遊時也專程到漁港,發現慳妹與展博入住的小黃屋仍然保留。








































第35集:【九龍城】啟德機場
返港報仇 機場搬遷

方展博由台灣返港報仇,步出的正是九龍城啟德機場。政府選址大嶼山赤鱲角興建新機場,於1998年7月6日啟用,舊機場同日關閉,並納入「啟德發展計劃」。








































第36集:【大嶼山】梅窩酒店
避難住所 早年翻新

展博帶玲姐匿藏大嶼山住所避丁蟹,其實是銀礦灣的梅窩酒店,早年酒店翻新,圓形噴水池變新裝,露台亦換上不銹鋼欄杆。老闆歐陽先生已不記得當年借外景細節,但講到生意則嘆說:「以前生意好好多!𠵱家周圍掘爛晒啲路!」









































第36集:【西貢】井頭村
中槍茶座 變身餐廳

玲姐在大嶼山搶警員佩槍殺丁蟹,因警槍走火中槍身亡。拍攝地點其實是西貢井頭村沙灘旁的露天茶座,如今已變成法國餐廳,昔日白色沙灘已堆滿雜物。








































第39集:【中環】皇后碼頭
歷史建築 填海拆卸

過去無數電視、電影均喜在中環皇后碼頭取景,如《大時代》中孝蟹與方婷狂咀、紀文咀展博示愛,以及展博向三富豪借運等也在該處取景,惟這個香港歷史建築為配合中環填海計劃而於2007年拆卸,現變龍和道部份路段及中環海濱活動空間。








































第40集:【馬料水】吐露港單車徑
溫馨場景 填海加路

慳妹臨死前偕展博在馬料水的吐露港單車徑踩單車,現該路段已填海加闊路面,對面沿岸樓宇亦變得密密,原有無敵海景的富安花園已被錦泰苑遮住。






































【採訪手記】實地探索 回憶大時代

灣仔、中環、大嶼山、西貢、馬鞍山、馬料水、九龍塘、九龍城、觀塘、北角、荃灣、土瓜灣、太子、大坑東、深水埗、尖沙嘴,《大時代》踏足過的,其實又豈止這些地方?《大時代》愛玩空間轉移剪接技巧,如藍潔瑛在大嶼山戲份,其實還有大浪灣和西貢。畢竟二十三年不是個短日子,要演員或工作人員清楚記起當年拍攝地點,幾乎是不可能的事。要尋找大時代足迹,惟有從DVD鏡頭中尋找蛛絲馬迹及向街坊問功課,三日內日曬雨淋跑勻二十多個場景,辛苦程度分分鐘拍得住《大時代》外景組!






























(蘋果日報)有片睇
http://hk.apple.nextmedia.com/entertainment/art/20150522/19156043