KKground... ......................... . 搜尋文章請按首頁左上角...................................................................................................@留言請按我@

2012年12月7日 星期五

[新聞] 黎耀祥爭視帝五五波

視帝爭奪戰如箭在弦,不少當紮小生、視帝候選人皆覬覦帝位,今年無綫更創新以公投方式選出視帝,黎耀祥卻貫徹其謙虛作風,揚言以平常心面對,自言贏面只是五五波。
曾奪兩屆視帝兼連續第三年於台慶劇擔正的黎耀祥(祥仔),今年有機會再次問鼎視帝寶座,不過祥仔貫徹其謙虛內斂的性格表示:「信心一半一半啦!《大太監》以戲論戲係幾好,角色亦幾特別,但因為始終已經攞過視帝,再攞嘅機會基本上細啲,因為已經畀人認同過,觀眾嘅要求會高咗,所以都係五五波啦!」

近年不少花旦小生都愛北上拍劇搵人仔,不過身為廿四孝爸爸的祥仔,卻為了正值青春期的乖仔放棄賺錢機會,他坦言:「我真係無乜興趣返大陸拍劇,囝囝依家15歲,係最需要我陪在身邊嘅時間,咁我着重屋企多,我覺得就算工作幾成功,家庭失敗都唔會開心!」

幾日唔返屋企

今年祥仔有份擔正的三套無綫劇集無獨有偶均是古裝劇,但祥仔竟自爆最愛拍時裝劇:「其實我鍾意拍時裝,因為拍古裝好辛苦,次次至少着三件長袖,但啲衫好厚又唔通風,真係好焗好辛苦!記得拍《造王者》時開完廠景就開外景,連沖涼嘅時間都無,高峰期仲試過幾日無返屋企,要喺車瞓,連妝都唔落!」

因為深明拍劇的辛酸,對於囝囝將來會否加入娛樂圈,祥仔斷言:「唔會啦!佢唔鍾意。(同佢傾過?)係呀,我唔覺得佢會鍾意做演員。

髮型:IVAN LEE @ HEADQUARTERS
造型:K @ geniuskingdom.com
文:李佩珊
攝:吳文聰

黎耀祥讚《大太監》出色,但再爭視帝仍有難度。

























(東方日報)
http://orientaldaily.on.cc/cnt/entertainment/20121207/00282_050.html
========================================================================
黎耀祥寧陪阿仔唔搵人仔

無綫今年以公投形式選視帝,貴為兩屆視帝的黎耀祥說:「信心一半一半啦!《大太監》嘅角色幾特別,但再攞視帝嘅機會細啲。」今年以拍古裝劇為主的祥仔渴望多拍時裝劇:「拍古裝好辛苦,次次至少着三件長袖衫,啲衫又厚又唔通風!拍《造王者》開完廠景就開外景,連沖涼都冇時間,試過幾日冇返屋企,妝都唔落就喺車瞓!」至於會否希望兒子將來加入娛樂圈?他說:「唔會啦!之前同佢父子檔拍廣告,只係想佢體驗多啲,佢應該有自己嘅路!」祥仔又表示為了兒子而放棄返內地拍劇:「佢依家15歲,係最需要我陪伴嘅時候!」

祥仔憶述拍古裝劇的辛酸,坦言恨拍時裝劇。

























顧家的祥仔希望多陪伴老婆及兒子。

























(太陽報)
http://the-sun.on.cc/cnt/entertainment/20121207/00470_078.html

沒有留言:

張貼留言