KKground: [新聞] 騎馬駕車男人至愛祥仔買完波子恨做馬主

2011年4月25日星期一

[新聞] 騎馬駕車男人至愛祥仔買完波子恨做馬主

最近黎耀祥被邀擔任「寶馬冠軍一哩賽」活動大使。他自覺與馬特別投緣，多年來拍騎馬戲令他留下不少回憶，更希望將來有機會做馬主！祥仔想像在場內為自己隻馬打氣，看着自己隻馬衝綫是多麼興奮。

祥仔年紀少少的時候便很喜歡看武俠片，他覺得大俠騎馬鏡頭好威風。大約10年前他與太太曾學過騎馬，有帽有衫裝備齊全，祥仔說：「多年來拍騎馬戲有不少回憶，20年前拍《書劍恩仇錄》劇集，第一次拍騎馬戲就驚到一額汗，當時未接觸過馬匹，剛剛由訓練班出來，就膽粗粗上了馬背。一Roll機武術指導大力拍馬屁股幫我起步，隻馬立即衝前奔馳，一直扯住條韁繩好驚被拋落地，由小路跑到大路這個鏡頭驚到一額汗。」

到數年前祥仔為劇集《楚漢驕雄》拍一場騎馬戲，搞到「拗柴」好瘀！他笑笑口說：「是自己衰，隻腳繞過馬頭落地懶有型，點知另一隻腳未鬆馬踏，結果拗柴隻腳腫晒，要在內地找醫生。」

其實騎馬與駕車感覺很相似，自由奔放，風馳電掣。當年祥仔對「寶馬」情有獨鍾，人生第一架車也是寶馬房車，雖然只是二手車，但今時今日他已經擁有保時捷開篷跑車，論級數可謂幾級跳。

問祥仔有沒有遇過被人撩鬥車？祥仔稱從未遇過，一來他駕車斯斯文文不會太快，因為他覺得開得太快反而享受不到駕車樂趣，慢速跟着他都無癮。二來馬路太多車，大家趕時間不會被人認得，而且他駕車不會阻人，很多時會泊埋一邊慢綫讓其他車駛過。祥仔性格低調，就算駕着「波子」出街也不會巴巴閉閉，他本身不太喜歡開冷氣，駕開篷車一陣陣風迎面吹來，令他感到好接近大自然，而最舒服莫過於與太太兜兜風飲個下午茶。