[FACE周刊第197期] 徐子珊張可頤鬥好戲

可頤交戲
張可頤讚子珊兩邊面都咁靚嗰陣仲幫佢撥好頭髮，做戲做全套。
徐子珊：我右邊面靚啲？真實對白
張可頤：你兩邊面都咁靚啦！真實對白

最近盛傳徐子珊拍《法證先鋒 III》懶記對白累人遲收工，拍感情戲又唔認真喪笑而辣?阿姐張可頤，上星期四 FBI專登吼《法證》喺奧海城拍外景，＊吓佢兩個係咪火星撞地球啦。
話說當日佢哋要拍一場講張可頤做咗徐子珊包租婆嘅戲，張可頤叫徐子珊準時交租。佢兩個一見到 FBI探班，忽然鬼咁好傾，甚至 roll機前徐子珊同導演講：「我右邊面靚啲……。」張可頤唔只即刻答嗲，仲用手幫子珊撥頭髮：「你兩邊面都咁靚啦。」一唱一和勁合拍，真係要打孖上頒個視后獎畀佢兩位喎。

子珊唔執輸
徐子珊見張可頤咁主動交戲，佢都唔輸蝕，等 roll機期間主動幫張可頤整好衫領。

一 take過
劇情講身為包租婆嘅張可頤提子珊要準時交租，全程一 take過冇 NG，子珊今次算聽話冇搞亂檔喎。