KKground... ......................... . 搜尋文章請按首頁左上角...................................................................................................@留言請按我@

2010年12月2日 星期四

[FACE周刊第184期] 《義海》隊長標尾會


就係《義海》 15集呢場戲,楊證樺一口流利日語令添哥激讚,其實陳法拉同噴火黃日華都曾經喺微博點名讚佢勁 o架!

週日( 28日)《義海》大結局, FBI都有追開,套劇咁收得,點知今次喺電視城搞大結局咁 cheap! FBI即刻走去問吓監製添哥,添哥都嘆晒氣話:「唉……我唔知呀,問公司啦!」至於祥仔就話:「好似傾唔掂數喎!」唔緊要,套劇一樣收得,週日平均 44點,最高 47點。

醒哥做得好就唔使多講,但添哥上台就大讚班綠葉,特別係飾演宮崎隊長嘅楊證樺,仲話佢得一場戲都肯練幾日日文喎!但 FBI發現其實楊證樺唔只一場戲 o架!楊證樺話:「原先真係得一場咋,不過一個月之後,添哥再搵我,話有一集戲畀我做!我真係好多謝佢!」勤力係有回報 o架!


添哥喺台上表揚二三線演員,仲特別點名讚楊證樺,咁識做,唔怪得咁受尊敬啦!


今年 35歲楊證樺 96年入 TVB,喺 26集仲有一幕赤膊騷心口紋身戲。


日伽教日文
落選港姐日伽唔只日文勁,仲有 8級鋼琴資格,身材亦相當唔錯。
戲中所有演員講嘅日文全部都係日伽(左一)教 o架,仲有喺劇中出過 2集戲添!佢有日本語文一級證書學歷,唔怪得咁流利啦!

沒有留言:

張貼留言