磨合需要時間。真實對白
毛姐家陣喺《天》劇話晒事，連監製徐遇安都冇佢符。記者問完毛姐回應，即刻有「食蕉
」嚟驅趕。
老戲骨自然有戲又有火，面對唔同 level對手，點忍得口？好似 51歲嘅毛舜筠在處境劇
《天天天晴》飾演深受老公、同事歡迎嘅師奶仔，但原來劇組上下，都對毛姐怕怕。據知
毛姐每次埋位都「女王」上身，尤其對同劇對手要求甚高，特別對田蕊妮唔客氣，當面教
佢做戲不特止，仲同戲劇分部總監曾勵珍（珍姐）投訴大塊田戲屎，更嘗試過在片廠大聲
同劇組呻：「冇睇劇本就唔好入廠啦！」汪阿姐有接班人啦。
51歲毛舜筠曾表示，《天》劇係佢最後一套電視劇，之後會專心湊女同拍電影。臨別一擊
毛姐特別要求高，連對手做戲都管埋，據知毛姐覺得大塊田田蕊妮對角色並唔理解，曾經
喺廠拍一場對手戲，監製上身教阿田做戲：仲話「你個角色係醒目，但你做到咁蠢唔得 o
架！」
佢（毛舜筠）喜劇感最好！佢話乜，我哋全部照跟！真實對白
一向拍劇出名意見多多嘅李思捷，今次遇到毛姐都變乖。
喺佢身上學到好多嘢！真實對白
田蕊妮喺《天》劇中飾演毛姐老友兼黃子雄情婦藍靖鈴，同毛姐對手戲大把，難怪俾毛
姐剷戲屎，又話佢做戲抄老公，不過大塊田都唔敢出聲。
毛監製有火
據知《天》劇開工第 2星期，毛姐已對大塊田好不滿，仲試過當住導演、工作人員面前教
阿田做戲！
當日大塊田冇依毛姐指示做戲，毛姐嬲到即刻上珍姐房嘈，仲話：「佢根本唔了解個角色
。」
鬧唔睇劇本
雖然毛姐教路，不過阿田闊佬懶理，令毛姐＊過火屎，即刻煞停衝上高層曾勵珍間房投訴
，珍姐其後亦急召阿田入房「傾偈」。阿田照肺期間，毛姐落番廠仲未嬲完，仲同一班幕
後呻：「冇睇劇本就唔好入廠啦！」
原來毛姐一直覺得大塊田演繹方式抄老公杜汶澤，之後更話：「你老公咁做戲，唔等於你
都要跟 o架嘛！」雖然一班幕後同演員都覺毛姐講得啱，不過亦覺得毛姐行動稍為 over
。阿田被毛姐教訓敢怒不敢言，唔使埋位時更面左左，兩人至今都冇偈傾。
本刊問大塊田被毛姐插一事就話：「冇鬧過我，喺佢身上學到好多嘢！」不過對於毛姐喺
背後話佢做戲抄老公，阿田就有少少火：「咁多年嚟，我做戲同老公都分得好開，我絕對
唔會抄佢，因為佢做到嘅，我做唔到。」
抄老公誇
大塊田老公杜汶澤，做戲永遠誇張十倍，阿澤喺《女王辦公室》飾演嘅 Leven一樣做誇張
王。
大塊田開工埋位冇耐，就俾毛姐話唔識做戲兼浮誇，嚟緊仲有百幾集，認真有排捱。
大塊田喺微博上載佢同毛姐、司棋姐合照，但就寫住：「毛姐……唯一缺點是太誠實。」
即係暗寸佢講嘢太直啦！
早前趕拍《巾幗 2》嘅祥仔，?家埋位為《天》劇開工，希望佢撐得住毛姐啦。《忽然 1
周》圖片
「磨合要時間」
至於毛姐，問佢同阿田拍劇係咪好難夾，毛姐話：「大家新埋班，磨合係需要時間。（聽
講你話佢做戲抄老公，仲同珍姐話佢做得唔好喎！）哈哈！你呢個問題好無聊，空穴來風
嘅嘢我都唔知點答你！」雖然毛姐好禮貌接受訪問，但之後忽然有保安到場，問記者係咪
騷擾毛姐。嘩！問兩句啫，唔使咁誇呀？
毛姐激過 o靚模
雖然毛姐、大塊田面和心不和，不過一眾網友就唔多有興趣喇，反而留意有咩新女，其中
對《天》劇的秘書 Kitty張雪芹最有興趣，話佢幾爽，但最近劇中交代張雪芹同鄭子誠搞
婚外情，網友即時插爆！搞人老公俾人插，不如睇番毛姐當年 19歲卜卜脆拍嘅電影《藝
壇照妖鏡》，飾演影圈新人嘅毛姐喺戲中煲煙、飲酒，之後務求上位同老闆上床，激過張
雪芹多多聲啦！
毛姐當年 19歲已經有得拍電影，當年由吳思遠做導演嘅《藝壇照妖鏡》，毛姐同艾迪做
男女主角，入面演得好激 o架。
網友 like秘書妹
下星期張雪芹仲同鄭子誠有 kiss戲，搶毛姐老公，等毛姐可以同黎耀祥成一對。
26歲張雪芹（原名張曉嵐）之前主持過《更上一層樓》及演過唔少劇集大茄，近來喺《天
》劇做狐狸秘書稍為彈起。
http://bbs.ent.163.com/bbs/tvb/183217928.html
沒有留言:
張貼留言